Blogg og

Velkomin til Los Alcázares, draumastaðar við Mar Menor lónið.

Los Alcázares er heillandi strandbær á suðausturströnd Spánar, við hið einstaka Mar Menor, stærsta saltvatnslón Evrópu. Bærinn hefur í gegnum árin þróast úr sögufrægu fiskimannaþorpi í vinsælan áfangastað fyrir ferðafólk og fasteignakaupendur sem leita að sól, sjó og afslöppuðu lífsstíl allan ársins hring.

Með yfir 320 sólríka daga á ári og mildu loftslagi er þetta hinn fullkomni staður fyrir þá sem vilja njóta útivistar, stranda og golfiðkunar.

Los Alcázares státar af löngum, gullnum sandströndum sem liggja meðfram Mar Menor. Lónið er sérstaklega öruggt og vinsælt meðal barnafjölskyldna og vatnaíþróttaunnenda.

Stutt er í Murcia International Airport (Corvera) 20 mín og Alicante-flugvöll, 50 mín. Bærinn er vel tengdur með hraðbrautum og er nálægt vinsælum borgum eins og Cartagena og Murcia.

Svæðið er þekkt fyrir glæsilega golfvelli, þar á meðal La Serena Golf og Roda Golf, auk fjölbreyttrar veitingahúsamenningar og lifandi markaða.

Íbúar Los Alcázares njóta rólegs, vinalegs samfélags þar sem hægt er að rölta meðfram strandgöngustígnum, njóta tapas á strandveitingastöðunum eða taka þátt í fjölmörgum viðburðum sem skipulagðir eru allt árið um kring. Svæðið er líka vinsælt meðal norrænna íbúa sem mynda sterka og samheldna alþjóðlega samfélag.

Við viljum líka benda sérstaklega á La Serena Golf svæðið en þar stendur yfir mikil og hröð uppbygging blandaðrar byggðar sbr. einbýli, rað og parhús og lokaðir íbúðarkjarnar með sameiginlegum sundlugasvæðum ofl. Eignir eru á hagstæðum verðum á svæðinu og tilvalið að fjárfesta í draumaeigninni við La Serena Golf.

Í aðeins 25 mínútna akstursfjarlægð frá Los Alcázares stendur Cartagena, ein merkasta og sögufrægasta borg Spánar. Borgin á sér meira en 2.500 ára sögu og hefur verið mikilvæg hafnarborg allt frá tímum Rómverja. Cartagena býður upp á einstaka blöndu af fornri arfleifð og nútímalegu borgarlífi. Þar má finna stórkostlegt rómverskt leikhús, söguslóðir, verslanir, veitingastaði og líflega höfn með skemmtiferðaskipum og kaffihúsum. Í Cartagena er ein stæðsta verlsunarmiðstöð Murcia héraðs, Espacio Mediterráneo en þar má finna allar vinsælustu verslanirnar eins og El Corte Ingles, Primark ofl. ofl. ásamt glæsilegu úrvali veitingastaða.

Að keyra til Cartagena frá Los Alcazares tekur ekki nema um 18 mínutur og er borgin því fullkominn áfangastaður fyrir dagstúra, verslunarferðir, menningarferðir eða einfaldlega til að njóta þess besta sem Murcia-héraðið hefur upp á að bjóða.

Það er ljóst að með styrkingu krónunar að þá hafa verð lækkað um allt að 8% frá því í September 2024. Á mannamáli þýðir þetta allt að 8% verðlækkun sem við hvetjum að sjálfsögu alla til að nýta sér. 

Gran Alacant er bær sem hefur byggst upp hratt undanfarin ár og er að mörgum talinn sameina það besta á Costa Blanca í dag sbr. mjög stutt til Alicante og flugvallar ásamt því að vera stutt frá mörgum fallegustu ströndum Costa Blanca, Carabassi og Playa de Elche. 

Bærinn er byggður upp á um 24 hverfum en hann er staðsettur mitt á milli Alicante borgar og Santa Pola.



Í næsta nágrenni Gran Alacant finnur þú frábær útivistarsvæði, furuskóga og hjólaleiðir. Bærinn hefur rólegt yfirbragð yfir sér en staðurinn er mjög öruggur og barnvænn. Strendurnar eru að sama skapi fjölbreyttar og stutt er að keyra að vitanum, Faro de Santa Pola sem skagar yfir ströndina með ógleymanlegu útsýni yfir miðjarahafið og út í eyjuna Tabarca. 

Örstutt er líka í skemmtigarðinn, Pola Park.



Um 14.000 manns hafa fasta búsetu í Gran Alacant en þessi tala getur tvö og jafnvel þrefaldast yfir sumarmánuðina. 

Alla fimmtudaga er götumarkaður þar sem hægt er að kaupa allt frá ávöxtum upp í raftæki. 

Í miðjum bænum er meðal annars fjölbreyttur verslunarkjarni þar sem þú finnur úrval verslana, veitingastaða, þjónustufyrirtækja og hótel. 



Og að lokum má nefna að staðsetning Gran Alacant hefur slegið í gegn. Það tekur innan við 10 mínutur að fara frá alþjóðaflugvellinum í Alicante til Gran Alacant og innan við 20 mínutur að keyra í miðbæ Alicante borgar.



Gran Alacant - rólegt og öruggt en stutt í allt.


Að fara á ströndina er frábær skemmtun og upplifun fyrir alla fjölskylduna. En það ber að benda á mögulega hættu þegar það kemur að undiröldum sem eru þó nokkrar á hinum fallegu ströndum Costa Blanca og Costa Calída. Þessar undiröldur eru vel þekktar og yfirleitt vel merktar á ströndunum þar sem þær eru. Því miður hafa þessar öldur átt þátt í nokkrum drukknunum undanfarin ár og því viljum við benda öllum að vera vakandi þegar njóta á strandardaga.