Blogg og

Nýtt hafnarsvæði í Torrevieja er að taka á sig lokaútlit.
Undanfarin 2-3 ár hafa íbúar og gestir Torrevieja orðið vitni að mikilli uppbyggingu hafnarsvæðisins í miðbænum. Nú er lokahnykkurinn hafinn og ef áætlanir ganga eftir má búast við að nýja hafnarsvæðið verði að mestu tilbúið í byrjun sumars 2026.

Þetta verkefni er eitt stærsta endurbóta- og skipulagsverkefni borgarinnar á undanförnum árum og markmiðið er að tengja hafnarsvæðið betur við miðbæinn, skapa aðlaðandi útivistarsvæði og efla þjónustu bæði fyrir íbúa og ferðamenn. Segja má að verkefnið hafi verið mjög umdeilt á sínum tíma, ekki aðeins vegna mikils kostnaðar heldur einnig vegna rasks og margir rekstraraðilar töldu að á meðan framkvæmdir væru í gangi væri ekki hægt að starfa almennt. Þú hefur vakið máls á öðru máli og í dag er mikil samstaða og stolt sem einkennir þessar miklu breytingar, þar sem við vorum ekki að tjalda í eina nótt...

Hvað felst í verkefninu?
Framkvæmdirnar hafa farið fram í nokkrum áföngum og ná yfir stórt svæði frá Acequión-ströndinni að Levante-bryggjunni. Eins og er er eftirfarandi unnið að:
- Fullkominn aðgangur að hafnarsvæðinu og tenging við nýjan gangstíg og þjónustusvæði
- Setja upp nýja lýsingu og bekki
- Bæta gönguleiðir og opin svæði fyrir almenning
- Fegra umhverfið með gróðri og landmótun sem fellur betur að strandlengjunni
- Samræma og samþætta fyrri verkefni við lokahnykkinn, svo sem að hluta til rafvæðingu hafnarinnar og endurbætur á bryggjunum

Allt þetta er gert til að gera svæðið aðgengilegra fyrir gangandi og hjólandi vegfarendur, með áherslu á opið og líflegt hafnar- og strandsvæði þar sem fólk getur notið veitingastaða, verslunar, viðburða og útivistar.

Nýtt miðsvæði fyrir borgina.
Ein af stærstu breytingunum er að gamla svæðið meðfram Paseo de la Libertad hefur verið endurbyggt í stórt fjölnota útivistarsvæði nálægt sjónum.
Þar verður pláss fyrir útimarkaði, viðburði og aðra afþreyingu, en bílaumferð verður takmörkuð til að auka öryggi og lífsgæði á svæðinu.
Það er þó vert að taka fram að bílakjallari hefur aukið mikið magn bílastæða á svæðinu og hefur þegar verið opnaður.

Hvað þýðir þetta fyrir fólk á svæðinu?
Fyrir alla sem búa eða dvelja í Torrevieja og nágrenni mun nýja hafnarsvæðið hafa jákvæð áhrif á daglegt líf. Til dæmis:
- Fleiri aðlaðandi göngu- og útivistarsvæði allt árið um kring
- Aukið framboð á þjónustu, veitingastöðum og viðburðum
- Sterkari og hreinni miðbær sem laðar að fleiri gesti
- Hækkun á verðmæti fasteigna í nágrenninu

Svæðið hefur breyst verulega á undanförnum árum og þegar framkvæmdum lýkur verður hafnarsvæðið eitt helsta aðdráttarafl borgarinnar og samkomustaður, en við hvetjum alla til að drífa sig og kíkja (og leggja í nýja bílakjallaranum) og sjá hvernig allt kemur saman.

Nýjar reglur um skilagjald einnota umbúða á Spáni.
Margir Íslendingar á Spáni hafa undrað sig á því í gegnum árin hvers vegna ekki sé hægt að skila einnota umbúðum gegn gjaldi á Spáni. Og á meðan endalaust er verið að berjast við betri umgengni, sorp og skil á rusli ofl. að þá höfum við mörg klórað okkur í hausnum með þetta skeytingarleysi.
Enn nú skal gera betur - Spánn er að taka upp svipað skilagjaldskerfi og við þekkjum svo vel frá Íslandi.  En hvernig mun þetta virka í raun ?

Spánn er að innleiða nýtt skilagjaldskerfi fyrir drykkjarumbúðir sem líkist því sem við höfum haft á Íslandi í áratugi. Kerfið mun líklega taka gildi seint í lok 2026.
Algengt skilagjald verður líklega um 0,10 evrur (15 kr.) fyrir hverja flösku eða dós eða sambærilegt og á Íslandi.

Af hverju er Spánn að gera þetta núna ?
Spánn hefur verið langt á eftir Norðurlöndunum í endurvinnslu á drykkjarumbúðum almennt. Má þar helst nefna að Spánn hefur endurunnið um 40% til 50% af flöskum og dósum á meðan evrópusambandið setur markmið um 70% eða meira. 
Þess má geta að Ísland hefur haft skilagjaldskerfi síðan 1989 og í dag er um 90% af flöskum og dósum skilað á Íslandi.

Það má því áætla að með þessari breytingu muni margt breytast til hins betra á Spáni. Dósir og flöskur sem hafa legið út um allt, á vegum, göngustígum, við samkomustaði, íþróttasvæði ofl. munu væntanlega heyra sögunni til . . . 

Viva Espana

Enn og aftur stöndum við fyrir glæsilegri fasteignakynningu á eignum á Spáni en að auki verður nýjung hjá okkur þar sem fulltrúi MedSea sem er söluaðili fasteigna í Dubai verður líka á svæðinu. 

Kynningin verður á glæsilegu og endurnýjuðu svæði Smárabíó í Smáralind á milli kl. 12.00 og 16.00 laugar og sunnudag 24. og 25. Janúar. 

Við munum sýna kvikmynd um eignir, lífið á Spáni og viðtöl við fólk á svæðinu sem tekur um 40 mínutur í bíósal 5 og á heila tímanum verðum við með spurt & svarað þar sem áhugasömum gefst kostur á að spyrja um efni myndarinnar ásamt öðru.

Fulltrúar byggingaraðila sem eru sérfræðingar koma frá Spáni og kynna nýjungar í byggingum, ný svæði og áherslur. 

Sölufulltrúar okkar á Spáni verða á svæðinu ásamt okkar fólki frá skrifstofunni okkar í Hlíðarsmára. 

Fulltrúar frá Sumarhús á Spáni kynna leigueignir og aðra möguleika tengda eignaleigu og kynna "leigutryggingu" sem hefur slegið í gegn hjá kaupendum. 

Að auki verður vínkynning ásamt öðrum léttum veitingum í boði. 

Við verðum með skemmtilegan gjafa golfleik þar sem hægt verður að vinna glæsilega vinninga. 

Þetta verður sannkölluð draumakynning fyrir þá sem langar til þess að vita allt um fasteignakaup á Spáni, leigumöguleika, upplýsingar um skóla, upplýsingar um svæðin og já, upplýsingar um allt er viðkemur lífinu á Spáni . . .
Hlökkum til að sjá ykkur !

Skíðadagar í nágrenni Costa Blanca og Costa Cálida

Það er eitthvað töfrandi við að búa eða dvelja á Costa Blanca eða Costa Cálida. Sólin fylgir manni yfir vetraturinn, að ganga meðfram ströndinni verður hluti af rútínunni og lífið er einhvernveginn léttara. En það sem margir átta sig ekki á er að hér býrðu ekki einungis við Miðjarðarhafs hlýjuna, heldur eru snjóþakin fjöll innan seilingar. Það er í raun magnað hversu auðvelt er að fara frá heitu loftslagi við ströndina upp í snjóþakin fjöll á nokkrum klukkustundum í bíl.

Við höfum tekið saman helstu og aðgengilegustu skíðasvæðin fyrir öll sem búa eða dvelja á Costa Blanca eða Costa Cálida.

Sierra Nevada

Stærsta og vinsælasta skíðasvæði Suður-Spánar.

Sierra Nevada er án efa aðal skíðasvæði suður- og austurstrandar Spánar. Það er staðsett rétt fyrir ofan Granada. Það tekur um þrjár og hálfa til fjórar klukkustundir að keyra frá Costa Blanca og enn styttra frá Murcia og Torrevieja. Þetta er skíðasvæðið sem allir tala um, stórt, fagurt, líflegt og uppfullt af góðri stemningu.

Fjallið fer upp í rúmlega 3.000 metra hæð og býður upp á úrval brauta fyrir alla, allt frá breiðum og mjúkum byrjendabrekkum yfir í lengri og hraðari leiðir fyrir vana skíðara.

Veðrið er stór hluti af upplifuninni. Það eru fá skíðasvæði í Evrópu sem hafa jafn marga sólardaga yfir vetrartímann og Sierra Nevada. Það er eitthvað töfrandi við að skíða niður fjallið undir bláhimni með vetrarsólina í andlitinu.

Dagspassar eru yfirleitt á bilinu 50 - 66 evrur eftir árstíma, skíðaleiga og búnaður er á góðu verði miðað við gæði. Þeir sem vilja upplifa alvöru skíðastemningu, borða góðan mat og skíða í fjölbreyttum brekkum velja Sierra Nevada aftur og aftur.

Þetta er „stórt fjall“ sem bíður upp á mikið úrval, lúxus og skemmtun.

Valdelinares
Fullkomið skíðasvæði fyrir dagferðir

Valdelinares er í Teruel-héraði er hið klassíska litla fjallaþorp sem tekur á móti manni með ró og hlýju, aðeins um þremur tímum frá Alicante og er svipuð vegalengd frá Murcia og upp að Orihuela Costa. Valdelinares skíðasvæðið er ótrúlega fallegt og andrúmsloftið afslappað með fallegum kaffihúsum sem gerir svæðið hlýlegt og kósý.

Þetta svæði er vinsælt fyrir þá sem vilja „skíðadag“ án þess að plana heila helgi. Svæðið er sérstaklega vinsælt hjá fjölskyldum, byrjendum og þeim sem vilja léttan og afslappaðan skíðadag. Dagspassarnir hér kosta minna en í Sierra Nevada, oft á bilinu 30 - 40 evrur eftir tímabili. Valdelinares er góður kostur fyrir þá sem vilja uppfylla skíðaþörfina og anda að sér fersku fjallalofti án þess að ferðast of lengi eða eyða of miklum peningum.

Javalambre

Fallegt fjallavæði fyrir byrjendur og rólega skíðadaga

Javalambre er annað svæði í sama fjallgarði og Valdelinares og hefur sama notalega yfirbragðið. Einnig um tveggja og hálfs til þriggja tíma akstri frá Alicante en svolítið lengra frá Torrevieja. Þetta er svæði sem margir íbúar á Costa Blanca velja þegar þeir vilja stutta ferð, gott veður og rólega stemmningu.

Javalambre hentar einstaklega vel fyrir þá sem eru að byrja sinn skíðaferil eða vilja prófa snjóinn í fyrsta skipti. Verðin eru á svipuðu róli og í Valdelinares, dagspassar að jafnaði í kringum 35–40 evrur. Brautirnar eru stuttar, greiðar og góðar fyrir byrjendur til að byggja upp sjálfstraust.

La Covatilla

Fyrir þá sem vilja fegurð og fjallaloft

La Covatilla, staðsett í Salamanca-héraði sem er aðeins lengra frá ströndinni, það tekur um um fjórar klukkustundir að keyra þangað frá Alicante og Murcia. Þetta svæði er minna þekkt meðal strandbúa, en þeir sem fara þangað dásama fegurðina sem býr yfir fjallinu.

La Covatilla hentar vel fyrir öll sem vilja rólegri upplifun, minni mannfjölda og skíðadag sem er meira um fjallaloft og náttúrutengingu en stærð og fjölda brauta. Verðin eru á svipuðu róli og önnur minni svæði eða í kringum 35-40 evrur. Þetta er skemmtilegur valkostur fyrir pör eða vini sem vilja upplifa annað vibe en fjöldan og fjörið í Sierra Nevada.

FJÖLLINN OG SNJÓRINN ER NÆR EN ÞÚ HELDUR

Þetta er eitt af því sem gerir Spán svo einstakan á veturna: hlýtt hafró og vetrarfjöll sem bíða þín handan við hæðina. Hér geturðu tekið dag frá sólbaði, hoppað inni í bíl með kaffi við

höndina og verið á skíðum um hádegisbil. Þetta er ekki bara ævintýri - þetta er lífsstíll sem margir eru farnir að sækjast í.

Hvort sem þú ert týpan sem vilt adrenalín og lengstu brekkurnar eða rólega snjóupplifun í mjúkum fjallastillingum, þá eru skíðasvæðin nálægt Costa Blanca og Costa Cálida fullkominn leikvöllur.

Og besta við þetta? Þú þarft ekki að velja á milli strandar eða snjós. Á Spáni færðu bæði.