Glæsileg einbýlishús í Los Belones

Spánarheimili kynnir:

Glæsileg einbýlishús staðsett í Los Belones við sunnanvert Mar Menor innhafið. Um er að ræða eignir á tveimur hæðum með 3 svefnherbergjum og 3 baðherbergjum. Rúmgott opið alrými er á neðri hæð með eldhúsi, stofu og borðstofu ásamt 2 svefnherbergjum og 2 baðherbergjum. Á efri hæð er þriðja svefnherbergið auk baðherbergis og fataherbergis og þaðan er beint útgengi á 10 fm svalir. Einnig er útgengt af hæðinni á 44 fm sólarsvalir.

Góður garður fylgir eigninni með einkasundlaug og undir henni er 160 fm kjallari með geymslu, baðherbergi og bílageymslu. Eignin er samtals 280 fm að stærð á 360 fm lóð.

Einungis er um að ræða 2 hús í þessari lúxusútgáfu og er annað þeirra tilbúið til afhendingar sumarið 2023 en hitt einungis 6 mánuðum eftir undirritun kaupsamnings.

Verð 549.500 og 659.500 €

Allar nánari upplýsingar eru gefnar á skrifstofu Spánarheimila, í síma 5585858 og [email protected]

Nánar um svæðið:

Cartagena er með stærri sveitarfélögum á Spáni hvar finna má hafnarborg og flotastöð í Murcia-héraði í suðausturhluta Spánar. Borgin var stofnuð af Karþagómönnum um 220 fyrir Krists burð. Um er að ræða sveitarfélag sem teygir sig frá Mar Menor í norðri, gegnum Los Alcazares og að strönd Mazarrón í suðri. Þar má finna úrval fasteigna og afbragðs þjónustu. Í því sambandi má nefna Mar de Cristal, Los Urrutias, Los Nietos, Playa Honda og Cabo de Palos, sem er frægt fyrir höfn sína og vita. Borgin blómstraði á rómverska tímabilinu og meðal margra rómverskra rústa sem þar má sjá eru útileikhús frá 1. öld fyrir Krists burð og Case de la Fortuna; einbýlishús með einstökum veggmyndum og mósaík.