Valentino Golf III – Villamartin

Spánarheimili kynnir:

Kominn er í sölu næsti áfangi af íbúðum í Valentino Golf III  í Villamartin hverfinu á Torreviejasvæðinu. Þegar er búið að byggja upp á síðustu 4 árum samnefnda kjarna nr. I og II og þetta er fjórða blokkin í kjarna nr. III.
Þetta eru mjög vinsælar íbúðir enda staðsetningin frábær í grónu eldra hverfi í kring og ekki nema um 10 til 15 mínútna rölt í Villamartin Plaza þjónustukjarnann þar sem finna má úrval veitingastaða, bari, apótek, banka, matvörubúð o.fl.
Villamartin golfvöllurinn liggur við hliðina á þessum íbúðakjarna og liggur 2. og 3. brautin rétt fyrir neðan og ekki er nema um 15 mínútna rölt á fyrsta teig.

Valentino Golf III kjarninn er glæsilegur í alla staði og íbúðirnar vel hannaðar en þær eru á bilinu 75 fm til 132 fm að stærð og fylgir hverri íbúð merkt bílastæði á lóð. Kjarninn er aflokaður og með vandaðri sameign þar sem finna má sundlaug, leiktæki fyrir börnin, líkamsræktartæki og boccia brautir.

Í boði eru íbúðir á jarðhæð - 1.hæð - 2.hæð og 3. hæð sem eru þá penthouse íbúðir með einkaþaksvölum og góðu útsýni. Penthouse íbúðir eru með 3 svefnherbergjum en aðrar íbúðir með 2 svefnherbergjum. Allar íbúðir eru með 2 baðherbergjum en annað baðherbergið er inn af hjónaherberginu.

Verð íbúða er frá 216.000 evrum og upp í 365.000 evrur.

Íbúðir í blokk 3 verða tilbúnar til afhendingar í febrúar 2024.

Íbúðir í blokk 4 verða tilbúnar til afhendingar í júní 2024.

Innifalið í verði er ljósa- og húsgagnapakki.

***Festu þér draumeignina með staðfestingargjaldi - frábær fjárfesting***

Allar nánari upplýsingar eru gefnar á skrifstofu Spánarheimili og í síma 5585858 og [email protected]