Tvíbýlishús sem þarfnast standsetningar á 1700 fm lóð í Villa Martin

Spánarheimili kynnir:

Frábært tækifæri fyrir handlægna að standsetja og eftir atvikum að endurbyggja tvíbýlishús í Villa Martin sem er á 1.700 fm lóð. Lóðin er staðsett á góðum stað í Villa Martin hverfinu á Orihuela Costa svæðinu eða nánar tiltekið í Las Filipinas íbúðarhverfinu.

Hvor íbúð er 156 m2  að stærð og í hvorri íbúð eru 4 svefnherbergi, 2 baðherbergi og stórt aflokað eldhús ásamt tveimur rúmgóðum setustofum með arni. Einnig eru 150 m2 þaksvalir (solarium) en húsið stendur mjög hátt á svæðinu og er gott útsýni yfir Campoamor golfvöllinn og niður að miðjarðarhafinu.

Það er mjög stutt í almenna þjónustu, veitingastaði, golfvelli, strendur og fleiri afþreyingar svo ekki sé nú minnst á La Zenia verslunarmiðstöðina.

Ásett verð er  330.000 evrur

Allar nánari upplýsingar eru gefnar á skrifstofu Spánarheimili og í síma 5585858 og [email protected]

Nánar um svæðið:

Orihuela Costa er breið strandlengja á Costa Blanca suður með ótrúlegu útsýni, notalegum víkum, ströndum með hvítum sandi og fögrum Miðjarðarhafsskógi. Strandlengjan er 16 kílómetra löng og er í 20 kílómetra fjarlægð frá borginni. Á síðustu árum hefur verið mikil uppbygging í ferðaþjónustu á svæðinu. Mörg falleg hverfi eru á svæði Orihuela Costa auk glæsilegra golfvalla svo sem Villamartin, Las Ramblas, Campoamor og Las Colinas. Nokkrar verslunarmiðstöðvar eru á svæðinu, þar á meðal ein sú stærsta á Spáni. Þar má einnig finna strendur með bláa fánanum, sem þýðir að þær uppfylli hæstu gæðakröfur sem gerðar eru um strendur Evrópu. Má í því sambandi nefna Punta Prima, Playa de la mosca, Calas de Playa Flamenca, La Zenia, Cabo Roig og Campoamor. Í stuttu máli, fullkominn staður fyrir þá sem velta fyrir sér kaupum á eign við ströndina. Framboðið er mikið og verðið afar samkeppnishæft. Orihuela Costa skiptist upp í nokkrar íbúðabyggðir, hvort sem er nær eða fjær ströndu eða í grennd við golfvöll – allir ættu að geta fundið sitthvað við sitt hæfi.