Íbúð á frábærum stað í La Zenia

Spánarheimili kynnir:

Notaleg íbúð í flottum íbúðarkjarna á mjög eftirsóttum stað í La Zenia, aðeins nokkrum mínútum frá Zenia Boulevard verslunarmiðstöðinni og annari þjónustu eins og veitingastöðum, banka, matvörubúðum o.s.frv.

Um er að ræða 71 m2 íbúð með útsýni yfir sameiginlega sundlaug í kjarnanum, 2 svefnherbergi og 2 baðherbergi ásamt eldhúsi sem er opið inn til stofu og frá stofunni ertu með aðgengi út á 10 m2 svalir

Loftkæling er í allri íbúðinni og fylgja húsgögn með eigninni fyrir utan persónulega muni.

Einkabílastæði og geymsla fylgir með íbúðinni

Allar nánari upplýsingar eru gefnar á skrifstofu Spánarheimili og í síma 5585858 og info@spanarheimili.is

Nánar um svæðið:

Orihuela Costa er breið strandlengja á Costa Blanca suður með ótrúlegu útsýni, notalegum víkum, ströndum með hvítum sandi og fögrum Miðjarðarhafsskógi. Strandlengjan er 16 kílómetra löng og er í 20 kílómetra fjarlægð frá borginni. Á síðustu árum hefur verið mikil uppbygging í ferðaþjónustu á svæðinu. Mörg falleg hverfi eru á svæði Orihuela Costa auk glæsilegra golfvalla svo sem Villamartin, Las Ramblas, Campoamor og Las Colinas. Nokkrar verslunarmiðstöðvar eru á svæðinu, þar á meðal ein sú stærsta á Spáni. Þar má einnig finna strendur með bláa fánanum, sem þýðir að þær uppfylli hæstu gæðakröfur sem gerðar eru um strendur Evrópu. Má í því sambandi nefna Punta Prima, Playa de la mosca, Calas de Playa Flamenca, La Zenia, Cabo Roig og Campoamor. Í stuttu máli, fullkominn staður fyrir þá sem velta fyrir sér kaupum á eign við ströndina. Framboðið er mikið og verðið afar samkeppnishæft. Orihuela Costa skiptist upp í nokkrar íbúðabyggðir, hvort sem er nær eða fjær ströndu eða í grennd við golfvöll – allir ættu að geta fundið sitthvað við sitt hæfi.