Glæsilegt einbýlishús í Doña Pepa, Ciudad Quesada

Spánarheimili kynnir:

SELJANDI SKOÐAR SKIPTI Á EIGN Á ÍSLANDI !
Glæsilegt einbýlishús á frábærum stað í Doña Pepa. Eignin er á tveimur hæðum með 4 svefnherbergjum og þremur baðherbergjum. Húsið er í lokuðu einbýlishúsa hverfi sem gefur örygginu mikla og góða vigt (Laguna villas 5*).

Húsið er á um 390 fm lóð en eignin sjálf er um 185 fm. Einkabílastæði fyrir 2-3 ökutæki er innan lóðar, ennfremur fylgja tvö bílastæði og geymsla í lokuðum bílakjallara í nágrenninu.

Lóðin er fallega hönnuð með pálmatrjám, stórri sundlaug, heitum nuddpotti, útisturtu og geymsluskúr svo eitthvað sé nefnt.

Gengið er inn í opna og bjarta setustofu,  til vinstri inn af henni er flott eldhús og borðstofa og beint inn af því er stórt rými sem í dag er nýtt sem þvottahús og búr en útgengt er út í garð frá því rými.

Beint inn af setustofu er baðherbergi með sturtu og stórt svefnherbergi með útgengi út í garð. Gler rennihurðir eru stór partur af hönnuninni sem sameinar inni- og útisvæði á skemmtilegan hátt. Vandaður marmari er á gólfum og innréttingum og eru td. innfelldir rafmagnstenglar víðsvegar í gólfum sem gefur aukið tækifæri til ýmissa nota.

Á 2. hæð eru 3 svefnherbergi og 2 baðherbergi, þar af eitt inn af  hjónaherberginu. Úr öllum svefnherbergjum er útgengi á L-laga svalir/verönd. Hiti er í öllum baðherbergisgólfum.

Öll tæki og búnaður í húsinu er mjög vandaður og má nefna að tæki eru Villeroy & Boch, Hansgrohe og Liebherr. Innbúið er einstaklega vandað og fylgir það með í kaupum þessum fyrir utan einstaka persónulega hluti sem hafa verið listaðir upp.

Um er að ræða einstaka eign á eftirsóttum stað þar sem mikil vinna var lögð í samspil hönnunar, náttúru, nýtingu og notagildis ásamt því besta í efnisvali.

Í næsta nágrenni eru skólar, verslanir, veitingastaðir og önnur almenn þjónusta.

Allar nánari upplýsingar eru gefnar á skrifstofu Spánarheimilia og í síma 5585858 og [email protected]