Falleg og nýleg íbúð með möguleika á góðum leigutekjum í Villa Martin

Spánarheimili kynnir:

Mjög falleg og nýleg íbúð með útsýni yfir sameiginlegan garð og sundlaug í Residencial Vista Azul XXXI. Íbúðin er á annarri hæð og er með 3 svefnherbergi,  2 baðherbergi , opið eldhús og stór og björt stofa. Svalirnar eru rúmgóðar og nýtast sérstaklega vel sem útistofa. Eignin  er seld með öllum húsgögnum og heimilistækjum. Bílastæði í bílskýli fylgir með. Þessi íbúð hentar sérstaklega vel til útleigu til ferðamanna og þar af leiðandi góð fjárfesting til framtíðar.

Nánar um svæðið:

Orihuela Costa er breið strandlengja á Costa Blanca suður með ótrúlegu útsýni, notalegum víkum, ströndum með hvítum sandi og fögrum Miðjarðarhafsskógi. Strandlengjan er 16 kílómetra löng og er í 20 kílómetra fjarlægð frá borginni. Á síðustu árum hefur verið mikil uppbygging í ferðaþjónustu á svæðinu. Mörg falleg hverfi eru á svæði Orihuela Costa auk glæsilegra golfvalla svo sem Villamartin, Las Ramblas, Campoamor og Las Colinas. Nokkrar verslunarmiðstöðvar eru á svæðinu, þar á meðal ein sú stærsta á Spáni. Þar má einnig finna strendur með bláa fánanum, sem þýðir að þær uppfylli hæstu gæðakröfur sem gerðar eru um strendur Evrópu. Má í því sambandi nefna Punta Prima, Playa de la mosca, Calas de Playa Flamenca, La Zenia, Cabo Roig og Campoamor. Í stuttu máli, fullkominn staður fyrir þá sem velta fyrir sér kaupum á eign við ströndina. Framboðið er mikið og verðið afar samkeppnishæft. Orihuela Costa skiptist upp í nokkrar íbúðabyggðir, hvort sem er nær eða fjær ströndu eða í grennd við golfvöll – allir ættu að geta fundið sitthvað við sitt hæfi.

Upplýsingar í síma 558-5858