Einstök einbýli í Villamartin

Spánarheimili kynnir : Nýr áfangi var að koma í sölu af þessum stórglæsileg einbýlum sem verða á þremur hæðum með þremur svefnherbergjum og fjórum baðherbergjum. Á jarðhæðinni er opið rými sem er tilvalið sem hobbý-/sjónvarpsherbergi auk baðherbergis. Þaðan er útgengt út í fallegan garð sem snýr í suðaustur þar sem finna má einka sundlaug. Á næstu hæð er inngangur í húsið og þar er stórt, fallegt opið eldhús, borðstofa og stofa auk baðherbergis. Útgengt er úr stofu á góðar svalir. Á efstu hæðinni eru þrjú svefnherbergi og tvö baðherbergi. Hjónaherbergið er með einka baðherbergi. Af efstu hæð er svo gengið upp á 50 fm þaksvalir með fallegu sjávarútsýni. Verð frá 499.900 €.   Nánar um svæðið: Orihuela Costa er breið strandlengja á Costa Blanca suður með ótrúlegu útsýni, notalegum víkum, ströndum með hvítum sandi og fögrum Miðjarðarhafsskógi. Strandlengjan er 16 kílómetra löng og er í 20 kílómetra fjarlægð frá borginni. Á síðustu árum hefur verið mikil uppbygging í ferðaþjónustu á svæðinu. Mörg falleg hverfi eru á svæði Orihuela Costa auk glæsilegra golfvalla svo sem Villamartin, Las Ramblas, Campoamor og Las Colinas. Nokkrar verslunarmiðstöðvar eru á svæðinu, þar á meðal ein sú stærsta á Spáni. Þar má einnig finna strendur með bláa fánanum, sem þýðir að þær uppfylli hæstu gæðakröfur sem gerðar eru um strendur Evrópu. Má í því sambandi nefna Punta Prima, Playa de la mosca, Calas de Playa Flamenca, La Zenia, Cabo Roig og Campoamor. Í stuttu máli, fullkominn staður fyrir þá sem velta fyrir sér kaupum á eign við ströndina. Framboðið er mikið og verðið afar samkeppnishæft. Orihuela Costa skiptist upp í nokkrar íbúðabyggðir, hvort sem er nær eða fjær ströndu eða í grennd við golfvöll – allir ættu að geta fundið sitthvað við sitt hæfi.   Allar nánari upplýsingar eru gefnar á skrifstofu Spánarheimila, í síma 5585858 og info@spanarheimili.is