Fasteignaumsjón og eftirlit með eignum
Eftir að gegnið hefur verið frá fasteignakaupum á Spáni vill bregða við að kaupandinn upplifir sig einan á báti og veit ekki hvert skal snúa sér í nýju landi með eitt og annað sem upp getur komið. Þá getur það reynst óþægileg tilfinning að hafa engan til að fylgjast með Spánareigninni. Sérstaklega á það við þegar langur tími líður á milli heimsókna svo og ef brestur á með slæmu veðri á svæðinu geta slíkar áhyggjur magnast.
Hjá Spánarheimili starfar þjónustulundað fólk sem er búsett á Spáni og býður fram alla sína aðstoð er snýr að fasteigna- og leiguumsjón með eigninni á Spáni. Það gengur þannig fyrir sig að gerður er þjónustusamningur er lýtur að eftirfarandi atriðum:
Hálfsmánaðarlegt eftirlit með fasteigninni. Auka ferðir eftir slæmt veður – stöðuskýrsla send á eigendur eftir hverja heimsókn
Opnað er út og loftað um eign, svalir spúlaðar og verönd ásamt því sem vökvað er ef þess þarf með
Vera tengiliður við viðkomandi bæjaryfirvöld, Iberdrola (rafmagn), Rebsolgas (gas),Hidragua (vatn), síma/netfyrirtæki, tryggingarfélög og önnur tengd fyrirtæki og stofnanir varðandi eignina ef á þarf að halda
Mæta á árlega húsfélagsfundi og fara með atkvæðisrétt eiganda
Póstkassi losaður og póstur yfirfarinn á skrifstofu Spánarheimila og hann áframsendur til Íslands ef svo ber undir
Ná í eða keyra eiganda eða venslafólk á flugvöllinn ef þess er óskað – greitt sérstaklega fyrir hvern akstur á afsláttar verði
Þrif á eigninni og/eða öllu líni ef þess er óskað eftir brottför eða fyrir komu í eign. Afsláttur veittur af venjulegu þrifgjaldi
Sérstök yfirferð um eignina daginn fyrir komu í eign og hún kynnt upp eða kæld niður, allt eftir árstíma
Versla inn helstu nauðsynjar til að hafa í ísskáp áður en eigandi eða venslafólk mætir í íbúðina – greitt skv. búðarstrimli
Alltaf beint samband og opin lína fyrir eigendur og aðra þá sem dvelja í eigninni við umsjónaraðila
Tengiliður við öryggisfyrirtæki á Spáni ef þjófavarnarkerfi er í eigninni
Umsjón með árlegri skattskýrslugerð um eignina – 50% afsláttur af gjaldi fyrir hverja skattskýrslu
Önnur sú þjónusta sem nauðsynlegt er að inna af hendi vegna eignarinnar en þó ávalt með vitund og samþykki eigandans. Nefna má túlkun, þýðingar, upplýsingagjöf og fleira.
Umsamið verð fyrir fasteignaumsjónina sem tíunduð er hér að ofan eru 60 evrur pr mán og miðast greiðslan við mánaðarlega beingreiðslu af spænskum reikningi eigenda.
Leiguumsjón - aðstoð við útleigu fasteigna
Ef fasteignaeigandi vill hafa tekjur af sumarhúsi sínu á Spáni getum við tekið eignina í leiguumsjón og séð um allt sem snýr að útleigu eignar – svörun fyrirspurna, móttöku leigjanda, þrif eignar og annað utanumhald.
Innifalið í leiguumsjón er eftirfarandi:
Koma persónulegum munum eiganda fyrir í geymslu áður en leigjandi mætir ef þess er óskað
Handhafi lykla og ábyrgðaraðili með eigninni („Keyholder“) – Taka á móti leigjendum og sýna þeim eignina ásamt því að kenna á loftræstinguna, gasið og fara yfir helstu umgengisreglur.
Eftirlit með eigninni meðan eign er í leigu
Þrif á eigninni og á öllu líni milli leigutímabila – Leigjandi greiðir sérstaklega fyrir þrifin í lok leigutímabils.