Costa Cálida & Murcia · Condado de Alhama Íbúð í fjölbýli · Endursala
Tilv.nr:1055

2 svefnherbergja íbúð á 1. hæð í Hacienda del Álamo Golf Resort

Einkenni

Svefnherbergi: 2

Baðherbergi: 2

Stærð: 110m²

Fjarlægð á næstu strönd: 35 km

Fjarlægð til flugvallar: 82 km

Fjarlægð í afþreyingar: 3 km

Fjarlægð frá golfvelli: 2 km

Einkagarður

Lokaður íbúðarkjarni

Opin verönd

Lyfta

Sameiginleg sundlaug

Lýsing

Spánarheimili kynnir:

Frábærar bankaeignir á Hacienda del Álamo Golf Resort kjarnanum. Um er að ræða eignir sem voru byggðar 2012 en aldrei verið búið í. Bankaeign þýðir að framkvæmdaraðili fór í þrot og eignaðist viðskiptabanki viðkomandi aðila eignirnar. Bankinn hefur svo opnað á sölu á viðkomandi eignum sem Spánarheimili bjóða nú til kaups á hreint frábærum verðum.

Um er að ræða íbúð á 1. hæð í snyrtilegu fjölbýli með lyftu.

2 svefnherbergi og 2 baðherbergi og er annað baðherbergið með stóru hornbaðkari. Eldhúsið er opið og liggur beint að setustofu. Hægt er að loka af með rennihurð inn í herbergja gang fyrir enn meira næði. SV-svalir sem snúa út í stóran, sameiginlegan garð þar sem þú finnur meðal annars

4. sundlaugar og fallegt grænt svæði með leiktækjum. Stæði í bílakjallara fylgir íbúðinni.

Stærð íbúðar er 113 m2

Nánar um svæðið:

“Hacienda del Álamo Golf Resort” er einstakt svæði, staðsett suðvestur

í Murcia og er mörgum íslenskum golfurum vel kunnugt.

Um er að ræða lokað og vaktað svæði en innan svæðisins má meðal annars finna glæsilegt klúbbhús, hótel & spa, veitingastaði, matvöruverslanir, tennis

og padel velli og hjólastíga en svo er heimsklassa golf æfingaaðstaða þar sem finna má 36 sláttubása, grasteiga, vippflöt, tvær púttflatir og 6 holu æfingavöll.

18 holu golfvöllurinn sjálfur er rómaður sem einn af betri golfvöllum Murcia héraðs en hann er  par 72 og er 6724 m.

Þess má geta að æfinga bækistöð íslenska landsliðsins í golfi er einmitt á Hacienda Del Álamo.

Stutt í allt:

Þó svo að um golfsvæði sé að ræða að þá er af nógu að taka þegar það kemur að annarri afþreyingu. Svæðið er vel staðsett með tilliti til margra þátta, má td. nefna að bærinn Fuente Alamó sem er spænskur bær með sínum sjarma er eingöngu

í 7 mínutna aksturfjarlægð,  gullnu strendurnar í Mazzarón eru í 20 mínutna akstursfjarlægð og innan við 30 mínutur tekur að keyra til Murcia eða td. strandborgarinnar Cartagena.

Til Torrevieja er svo rétt um 45 mínutna akstur.

Rétt norður af Hacienda del Álamo eru fjöllin Sierra Espuña sem er draumasvæði útivistarfólks, hvort sem það vill ganga, hjóla eða njóta fallegrar nátturu.  Svo eru ekki nema um 15 mínutur til nýja alþjóðaflugvallarins í Murcia.

Lesa meira